巴斯＋巨石陣＋科茲窩包車一日組合

一日之內，多個亮點

經典路線會將羅馬浴場配埋巨石陣（Stonehenge）嘅史前石圈，再加一兩條科茲窩小鎮，睇蜜糖色石屋同鄉間小路。Castle Combe 同 Lacock 都做過電影場景，行入去有種時光凝住嘅感覺。由於司機熟路、識計時間，你成日都可以專心睇風景，唔使煩泊車、排隊或者睇地圖；想喺邊度多留一陣，當日話一聲就得，行程好有彈性。

人同行李都有位放

一日多站，最緊要車廂夠位坐得舒展。Toyota Alphard／Vellfire 航空頭等座椅，四人連 24-26 吋喼都好鬆動；若全部用 20 吋登機喼可坐第五位，純日遊行李細嘅話最多可坐六人。5 至 8 人可揀兩部 Alphard，人人頭等座椅，或者 Mercedes-Benz Vito 8 座裝多啲行李。全程整車固定報價，出發前確認，唔按人頭、唔爆價，令你可以安心一日連遊多個景點。